Ուլտրաձայները չեն պաշտպանում մոծակներից

Այս տարի գովազդի ոլորտում հեղինակավոր մրցանակներից մեկը ստացել են գովազդային արշավի կազմակերպիչները, ովքեր ռադիոհեռարձակումներին ավելացրել էին հատուկ ուլտրաձայն՝ մոծակների դեմ պայքարելու համար: 

Միտքը բավականին պարզ էր: Այլևս պետք չէ օգտագործել բուրավետ քսուքներ, քիմիական գազեր, ծուխ կամ ոլորած թերթեր, հայտարարել է Բրազիլական Band FM ռադիոկայանը: Մոծակների դեմ պայքարելու համար միայն պետք է միացնել ռադիոընդունիչը:

Այս տարվա ապրիլ ամսին եթերում հեռարձակվող երաժշտության մեջ ռադիոկայանը ավելացրել է բարձր հաճախականություն ունեցող ձայներ (15 kHz): Մարդկանց մեծ մասի համար այս ձայնը անլսելի է: Նախատեսվում էր, որ ձայնը կվախեցնի միջատներին և մարդիկ կարող են հանգստանալ բաց երկնքի տակ:

Սակայն գիտնականները պնդում են, որ այս տարբերակը արդյունավետ չէ: Համադրելով այս հարցի շուրջ արված 10 հետազոտությունները, որոնք ուսումնասիրում են ուլտրաձայների ազդեցությունը միջատների վրա, արվել էր եզրակացություն, որ ուլտրաձայները չեն պաշտպանում մոծակների խայթոցներից:

Հարցեր, պատասխաններ, մեկնաբանություններ